سرینگر میں خواتین چور گروہ گرفتار

جموں و کشمیر کے دارالحکومت سرینگر میں پولیس نے دعویٰ کیا ہے کہ انہوں نے شہر کے بازاروں میں متحرک خواتین چوروں کا گروہ گرفتار کیا ہے-

ایس ایس پی سرینگر حسیب مغل نے کہا کہ متعدد لوگوں نے شکایتیں کی ہیں کہ شہر کے بازاروں میں خریداری کے دوران جیب کتروں نے انہیں لوٹ لیا۔ سر راہ وہ بے خبری میں لٹ گئے اور اپنی رقم سے ہاتھ دھو بیٹھے۔

انکا کہنا تھا کہ شکایتیں موصول ہونے کے بعد پولیس نی تحقیقات شروع کی جس کے بعد پانچ خواتین کو گرفتار کیا گیا جنہوں نے اعتراف کیا کہ وہ شہر میں جیب کتری کی واردات انجام دے رہی تھیں- انکا کہنا تھا کہ اس گروہ کو گرفتار کرنے کے بعد شہر میں جیب کتری کے واقعات میں کمی ہوگی اور لوگوں میں راحت نصیب ہوگی-