سرینگر: آگ لگنے سے تین مکانات خاکستر

سرینگر کے شیو پورہ علاقے میں پیر کی شام ایک رہائشی مکان میں آگ لگ گئی، جس میں تقریباً تین مکانات کو نقصان پہنچا ہے۔

پولیس کے مطابق تقریباً شام کے وقت شیو پورہ کے ایک رہائشی مکان میں آگ لگی۔ آگ لگنے کی وجہ ابھی تک معلوم نہیں ہوسکی ہے۔ تاہم فائر بریگیڈ اس وقت آگ بجھانے میں مصروف ہے۔

پولیس کا مزید کہنا تھا کہ' اگر چہ جانی نقصان کی ابھی تک کوئی اطلاع موصول نہیں ہوئی ہے تاہم تین مکانات کو کافی نقصان پہنچا ہے۔