جموں و کشمیر میں سرکاری عمارتوں پر ترنگا لہرانے کی ہدایت

جموں و کشمیر میں افسران کو ہدایت دی گئی ہے کہ وہ یوم جمہوریہ کے موقع پر سرکاری عمارتوں پر ترنگا لہرانے کو یقینی بنائیں۔

انتظامیہ نے جموں و کشمیر میں انتظامی سیکریٹریوں، صوبائی کمشنرز اور ضلع ترقیاتی کمشنروں کو ہدایات دی ہیں کہ وہ اس بات کو یقینی بنائیں کہ 26 جنوری کو تمام سرکاری دفاتر اور عمارتوں پر قومی پرچم کو لہرایا جائے۔

محکمہ عمومی انتظامی کے ایڈیشنل سیکریٹری روہت شرما نے کی جانب سے جاری بیان میں کہا گیا ہے کہ 'تمام انتظامی سکریٹریوں، ڈویژنل کمشنروں، ڈپٹی کمشنروں، محکموں کے سربراہان تمام نیم سرکاری اداروں و کارپوریشنوں کے منیجنگ ڈائریکٹرز کو ہدایت دی جاتی ہے کہ یوم جمہوریہ کے موقع پر مرکز کے زیر انتظام جموں و کشمیر کے اطراف و اکناف میں اس بات کو یقینی بنائیں کہ تمام سرکاری دفاتر، عمارتوں پر قومی پرچم لہرایا جائے۔ اور رسم پرچم کشائی کی جائے۔