سرینگر: غیر قانونی قبضے کو ہٹایا گیا

سرینگر ڈیولپمنٹ اتھارٹی نے جمعرات کو سرینگر میں سرکاری اراضی پر غیر قانونی قبضے کو ہٹایا اور نو کنال پر مشتمل سرکاری اراضی کو آزاد کیا گیا۔

ایس ڈی اے کی جانب سے سرینگر کے سرسید آباد بمنہ میں نو کنال اراضی پر غیر قانونی قبضہ ہٹایا لیا گیا۔ اور اس اراضی پر تعمیر شدہ غیر قانونی تجاوزات کو ہٹا لیا گیا - اس دوران ایس ڈی اے کے ہمراہ سرینگر پولیس کی ایک ٹیم بھی ان کے ہمراہ تھی-

اس سے قبل بھی ایس ڈی اے نے ڈپٹی کمشنر شاہد اقبال چوہدری کی ہدایات پر کئی غیر قانونی تجاوزات پر کاروائی کرتے ہوئے انہیں ہٹایا اور اس دوران کئی کنال پر مشتمل اراضی کو غیر قانونی قبضے سے آذاد کیا گیا-

جمعرات کو اس انہدامی کاروائی کے دوران سرسید آباد بمنہ میں موجود غیر قانونی قبضہ پر تعمیر کئے جا رہے تجاوزات کو ہٹایا گیا۔ مزید نو کنال پر مشتمل سرکاری اراضی کو غیر قانونی قبضے سے آزاد کیا گیا۔

سرینگر انتظامیہ نے لینڈ مافیا کو خبردار کیا ہے کہ ان کے خلاف سخت کارروائی کی جائے گی۔