سرینگر میں ناجائز تجاوزات ہٹانے کی ہدایات

ڈیژنل کشمنر کشمیر بصیر احمد خان نے ضلع افسران کو ہدایت سی ہے کہ وہ شہر سرینگر کی سڑکوں سے ناجائز تجاوزات فوری ہٹانے کے اقدامات کریں۔

دارالحکومت سرینگر کی سڑکوں پر گاڑیوں کی نقل وحمل میں بہتری لانے کے سلسلے بصیر احمد خان نے یہ ہدایات جاری کی ہیں۔
بصیر احمد خان نے خلاف ورزی میں ملوث افراد کے خلاف سخت کارروائی عمل میں لانے کی بھی ہدایت دی۔
ان باتوں کااظہار ڈیژنل کمشنر نے شہر سرینگر کے اطراف واکناف میں ٹریفک عمل کاجائزہ لینے کے سلسلے میں بلائی گئی ایک میٹنگ سے خطاب کرتے ہوئے کیا۔

انہوں نے سرینگر میونسپل کارپوریشن کو ہدایت دی کہ وہ چیف انفورسمنٹ افسر کی سربراہی میں افسروں کی ایک ٹیم کو سڑکوں پر سے ناجائز تجاوزات ہٹانے کے اقدامات کریں۔
بصیر احمد خان نے کہا کہ اس سلسلے میں ایس ایم سی کو پولیس محکمہ کی طرف سے بھی مکمل تعاون فراہم ہوگا۔ اس کے علاوہ ڈپٹی کمشنرسرینگر مہم کے دوران ایس ایم سی کے سکارڈ کو مجسٹریسی کے اختیارات بھی تفویض کرے گا۔
ڈپٹی کمشنر سرینگر اورایس ایس پی سری نگر ہفتہ وار بنیادوں پر صوبائی کمشنر کشمیر کو زمینی سطح پر ہورہی کاروائیوں کے بارے میں رپورٹ پیش کریں گے۔
بصیر احمد خان نے افسروں پر زوردیا کہ وہ شہر میں ٹریفک کے نقل وحمل میں تمام رکاوٹیں دور کرنے کے فوری اقدامات کریں۔
ایڈیشنل ڈپٹی کمشنر سرینگر کے کے سدھا، ایڈیشنل کمشنر ایس ایم سی، ایس پی سٹی (ساوتھ)، اے ایس پی ٹریفک سٹی ساﺅتھ، سینئر اسٹیٹ افسر ایس ڈی اے، اسسٹنٹ کمشنر سینٹرل ودیگر متعلقہ افسران نے میٹنگ میں شرکت کی۔