میونسپل اداروں کے منتخبہ ارکان کو احساس تحفظ فراہم

لیفٹیننٹ گورنر جی سی مرمو کی صدارت میں منعقدہ انتظامی کونسل کی میٹنگ کے دوران بی ڈی سی چیئر پرسنز، سرپنچوں، پنچوں اور جموں و کشمیر کے میونسپل اداروں کے منتخبہ ارکان کے لیے ملی ٹینسی سے متعلق واقعات میں ہلاکت کی صورت میں 25 لاکھ روپے کی بیمہ پالیسی کے دائرے میں لانے کو منظوری دی۔

فیصلے کا مقصد بنیادی جمہوری اداروں کو مستحکم بنا کر ان اداروں کے منتخبہ ارکان کو احساس تحفظ فراہم کرنا ہے جنہیں ملی ٹینٹوں سے متواتر خطرہ لاحق ہے ۔

زندگی بیمہ ملی ٹینسی سے متعلق واقعات میں ہلاک ہونے کی صورت میں منتخب نمائندوں کے اہل خانہ کے لیے روزی کی ضمانت فراہم ہو گی تا کہ اُن کے اہل خانہ کسی مالی مشکل کا شکار نہ ہو سکیں اور اُن کی بنیادی ضروریات مشکل حالات میں بھی پوری ہو سکیں ۔