وادی کے آٹھ اضلاع ریڈ زون قرار، نئے رہمنا خطوط جاری

گزشتہ روز جموں و کشمیر انتظامیہ نے تمام سرکاری ملازمین کو دفاتر میں حاضر رہنے کی ہدایت جاری کی لیکن ملازمین کا کہنا ہے کہ ٹرانسپورٹ نہ ہونے کی وجہ سے ان کا دفتر پہنچنا مشکل ہے۔

جموں و کشمیر میں آئے روز کووڈ 19 کے مثبت کیسز کی تعداد میں اضافہ پایا جارہا ہے، لیکن انتظامیہ لاک داؤن میں نرمی بھی کر رہی ہے، جس سے لوگوں میں تذبذب پیدا ہو گیا ہے۔
آج چیف سیکرٹری نے کووڈ 19 کی سنگین صورتحال کے بیچ رہنما خطوط جاری کئے جس کے تحت وادی کے دس میں سے آٹھ اضلاع جبکہ جموں کا ایک ضلع ریڈ زون قرار دیا گیا ہے۔

وادی میں بانڈی پورہ اور گاندربل کے بغیر دیگر آٹھ اضلاع کو ریڈ زون قرار دیا گیا ہے، جبکہ جموں میں واحد ضلع رامبن اس زمرے میں رکھا گیا ہے۔ اس خطے کے دیگر اضلع آرینج یا گرین زون میں رکھے گیے ہیں۔ادھر گزشتہ روز انتظامیہ نے تمام سرکاری ملازمین کو دفاتر میں حاضر رہنے کی ہدایت جاری کی لیکن ملازمین کا کہنا ہے کہ ٹرانسپورٹ نہ ہونے کی وجہ سے ان کا دفتر پہنچنا مشکل ہے۔سرکار کے نئے ایس او پیز اور ملازمین کو حاضر رہنے کے احکامات کے بیچ لوگ پریشان ہے کہ کیا لاک ڈاؤن پر عمل کرے یا کام کاج شروع کیا جائے-قابل ذکر ہے کہ جموں و کشمیر میں کورونا وائرس میں مثبت کیسز کی تعداد 3600 سے زاید ہوئی ہے اور اس مہلک وائرس سے مرنے والوں کی تعداد 40 تک پہنچ گئی ہے۔