کورونا وائرس کا اثر: درگاہ حضرت بل میں شب معراج کی تقریب منسوخ

عالمی وبا کورونا وائرس کے پیش نظر جموں و کشمیر کے دارالحکومت سرینگر میں واقع درگاہ حضرت بل میں 11 مارچ کو ہونے والی شبِ معراج کی تقریب منسوخ کر دی گئی ہے۔

درگاہ کے منتظمین کے مطابق شبِ معراج کے سلسلے میں منعقد ہونے والی تقریب منسوخ کر دی گئی ہے۔ تاہم 12 اور 13 مارچ کو نمازوں کے دوران زائرین کو موئے مقدس کی زیارت کروائی جائے گی۔

واضح رہے کہ سرینگر کی حضرت بل درگاہ میں ہر برس شبِ معراج اور دیگر مقدس ایام پر عقیدت مند بڑی تعداد میں آتے ہیں لیکن کورونا وائرس کے سبب ان تمام تقریبات کو منسوخ کیا گیا جس سے لوگوں میں مایوسی نظر آرہی ہے۔