Kashmir Weather Update وادی میں اگلے چوبیس گھنٹوں کے دوران موسم خشک رہنے کا امکان

محکمہ موسمیات کے مطابق وادی کشمیر میں آئیندہ چوبیس گھنٹے کے دوران موسم خشک رہے گا، وہیں یکم اور دو مارچ کو کہیں کہیں برف باری یا بارش بھی ہوسکتی ہیں۔ Snowfall Forecast in Kashmir Valley

سرینگر: وادی کشمیر میں خشک موسم کے بیچ شبانہ درجہ حرارت میں بھی بتدریج اضافہ درج ہونے لگا ہے۔ محکمہ موسمیات کے ایک ترجمان کے مطابق وادی میں اگلے چوبیس گھنٹوں کے دوران موسم جزوی طور پر ابر آلود مگر خشک رہنے کا امکان ہے۔ انہوں نے کہا کہ 26 فروری کو موسم ابر آلود رہ سکتا ہے اور اس دوران کہیں کہیں ہلکے برف وباراں کی توقع ہے۔ ان کا کہنا تھا کہ بعد ازاں 27 اور 28 فروری کو موسم جزوی طور ابر آلود رہ سکتا ہے اور بعد ازاں یکم مارچ اور 2 مارچ کو موسم ابر آلود رہنے کے ساتھ کہیں کہیں برف باری یا بارشیں ہوسکتی ہیں۔

گرمائی دارالحکومت سرینگر میں کم سے کم درجہ حرارت 1.6 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 0.6 ڈگری سینٹی گریڈ ریکارڈ ہوا تھا۔ وادی کے شہرہ آفاق سیاحتی مقام گلمرگ میں کم سے کم درجہ حرارت منفی3.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی3.8 ڈگری سینٹی گریڈ ریکارڈ ہوا تھا۔ وادی کے دوسرے مشہور سیاحتی مقام پہلگام میں کم سے کم درجہ حرارت منفی3.8 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی4.4 ڈگری سینٹی گریڈ ریکارڈ ہوا تھا۔

سرحدی ضلع کپوارہ میں کم سے کم درجہ حرارت منفی0.2 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 0.3 ڈگری سینٹی گریڈ ریکارڈ ہوا تھا۔ لداخ یونین ٹریٹری کے ضلع کرگل میں کم سے کم درجہ حرارت منفی12.8 ڈگری سینٹی گریڈ ریکارڈ کیا گیا جبکہ ضلع لیہہ میں کم سے کم درجہ حرارت منفی8.8 ڈگری سینٹی گریڈ ریکارڈ ہوا ہے۔ دریں اثنا وادی میں جمعے کو ہفتے کی صبح سے ہی موسم خشک رہا اور ہلکی دھوپ بھی چھائی رہی جس سے لوگوں کو مختلف جگہوں پر بیٹھ کر لطف اندوز ہوتے ہوئے دیکھا گیا۔

یو این آئی