اننت ناگ: منشیات ضبط، اسمگلر گرفتار

منشیات مخالف کاروائیوں کو جاری رکھتے ہوئے پولیس نے ضلع اننت ناگ کے عیش مقام علاقے سے بھاری مقدار میں منشیات ضبط کیں۔

جموں و کشمیر کے ضلع اننت ناگ کے عیش مقام علاقے سے پولیس نے منشیات ضبط کیں، پولیس کی ایک ٹیم نے مصدقہ اطلاع پر عیش مقام سلیگام پر ایک ناکہ قائم کیا۔جہاں پولیس نے تلاشی کاروائی کے دوران ایک کار سے چھہ تھیلوں میں بھرے تقریبا 52 کلو فُکی(پوشتہ) برآمد کیا۔

پولیس نے مذکورہ گاڑی اور اس کے ڈرائیور کو حراست میں لیا ہے، جس کی پہچان ضلع اننت ناگ کے بجبہاڑہ سے تعلق رکھنے والے خورشید احمد دُکڑو کے طور پر ہوئی ہے۔پولیس نے اس تعلق سے ایک ایف آئی آر درج کرکے مزید تحقیقات شروع کی ہے۔