'کشمیر میں سرگرم عسکریت پسندوں کی تعداد 250 سے کم'

جموں و کشمیر پولیس کے ڈائریکٹر جنرل دلباغ سنگھ نے کہا کہ رواں برس کے پہلے دو ماہ کے دوران ایک درجن کارروائیوں میں 25 عسکریت پسندوں کو ہلاک کرنے اور 40 او جی ڈبلیو کو گرفتار کیا ہے۔

سرینگر میں ایک پریس کانفرنس سے خطاب کرتے ہوئے جموں و کشمیر پولیس کے ڈائریکٹر جنرل پولیس دلباغ سنگھ نے کہا کہ وادی کشمیر میں اس وقت 240- 250 عسکریت پسند سرگرم ہیں۔ 2020 میں پولیس نے 40 او جی ڈبلیو کی گرفتاری عمل میں لائی گئی ہے۔ اس کے علاوہ 25 عسکریت پسند ہلاک کیے گئے ہیں اور 9 عسکریت پسند کے معاون کے خلاف بھی کارروائی کی گئی ہے۔

رواں ہفتے میں جنوبی اور شمالی کشمیر میں عسکریت پسندی کے خلاف ہوئی کارروائیوں پر بات کرتے ہوئے انہیں کہا کہ ضلع اننت ناگ میں پولیس نے لشکر طیبہ سے منسلک دو عسکریت پسندوں کو ہلاک کیا گیا ہے۔ ان کی شناخت نوید بٹ اور عاقب بٹ کے طور پر ہوئی ہے۔ یہ دونوں جنوبی کشمیر کے رہنے والے ہیں اور ان کے خلاف عسکریت پسندی کے کئی معاملے درج ہیں

اُن کا کہنا تھا کہ بارہمولہ پولیس نے بھی آج حزب المجاہدین سے وابستہ ایک عسکریت پسند کو گرفتار کیا ہے اور اس کے پاس سے بھی کافی اصلاح برآمد کیا گیا ہے

انہوں نے کہا کہ سماجی رابطہ ویبسائٹ پر افوائیں پھیلانے والے افراد کے خلاف سخت کارروائی کی جائے گی۔ اس تعلق سے شمالی کشمیر کے ہندوارہ علاقے میں ایک شخص کو گرفتار کیا گیا ہے اور ابھی اس سے پوچھ تاچھ جاری ہے

دلباغ سنگھ نے کہا کہ وادی میں امن و امان کی بحالی کے لیے یہاں کے لوگ تعاون کر رہے ہیں