ڈپٹی سی ایم او بارہمولہ نے ویکسینیشن مراکز کا دورہ کیا

ڈپٹی سی ایم او بارہمولہ نے تحصیل بونيار کے ویکسینیشن مراکز کا دورہ کرکے مراکز پر ہو رہے کام کاج کا جائزہ لیا۔

ضلع بارہمولہ کا سرحدی قصبہ بونيار کے پی ایچ سی ویکسینیشن مراکز میں انتظامات اور وہاں ہو رہے کام کاج کا جائزہ لینے کے لئے ڈپٹی سی ایم او ڈاکٹر جوزی نے تحصیل بونيار کی کئی ویکسینیشن مراکز کا دورہ کیا۔

انہوں نے ویکسینیشن مراکز کا دورہ کرکے اطمینان کا اظہار کیا۔ وہیں انہوں نے عوام سے کورونا ویکسین لینے کی اپیل کرتے ہوئے سماجی دوری برقرار رکھنے اور ماسک پہننے پر زور دیا۔

ڈپٹی سی ایم او نے ویکسینیشن مراکز پر تعینات عملہ سے لوگوں کو ویکسین لگوانے کے لئے آمادہ کرنے اور ان کی حوصلہ افزائی کرنے پر زور دیا۔