ڈی ڈی سی انتخابات: کشمیر میں بی جے پی تین سیٹیوں پر کامیاب

ضلع ترقیاتی کونسل کے انتخابات میں بی جے پی نے کشمیر میں تین نشستوں پر کامیابی حاصل کی ہے جبکہ جموں ڈویژن میں بی جے پی 73 نشستوں پر آگے چل رہی ہے۔

یہ پہلا موقع ہے جب بی جے پی نے نیشنل کانفرنس اور پی ڈی پی جیسے مضبوط علاقائی پارٹیوں کا سامنا کرتے ہوئے کشمیر کی کسی بھی سیٹ پر کامیابی حاصل کی ہے۔

اعجاز حسین نے سرینگر میں کھنموہ دوم سے ضلعی ترقیاتی کونسل کی نشست پر کامیابی حاصل کی ، جبکہ اعجاز احمد خان نے ضلع بانڈی پورہ میں تلیل سیٹ پر جیت درج کی ہے، وہیں پلوامہ میں بی جے پی کی منہا لطیف نے کامیابی حاصل کی ہے اور جب انھوں نے اپنی کامیابی کی خبر سنی تو وہ بے ہوش ہوگئیں۔

بی جے پی نے مسلم اکثریتی خطہ کشمیر میں جارحانہ طور پر مہم چلائی تھی، جہاں پارٹی کے متعدد سینئر رہنماؤں نے ڈی ڈی سی انتخابات کے دوران ہفتوں تک خیمہ زن تھے۔

گزشتہ سال 5 اگست کو آرٹیکل 370 کے تحت جموں و کشمیر کی خصوصی حیثیت کو منسوخ کرنے کے بعد یہ پہلا الیکشن ہے اور اسے ایک یونین ٹریٹری کے لیے تنظیم نو کیا گیا تھا۔

آٹھ مراحل میں ہونے والی یہ پولنگ 28 نومبر کو شروع ہوئی اور 19 دسمبر کو اختتام پذیر ہوئی، ڈی ڈی سی کی 280 نشستوں کے لیے 450 سے زیادہ خواتین سمیت 2،000 سے زیادہ امیدوار میدان میں تھے۔

جموں میں ڈی ڈی سی کی 140 نشستیں ہیں، اس خطے کے ہر ضلع میں 14 حلقوں نے حال ہی میں ہونے والے انتخابات میں ووٹرز کی بڑی تعداد ریکارڈ کی ہے۔