G20 Meet in Kashmir جی ٹوینٹی مندوبین کے استقبال کے لیے ڈل جھیل تیار

جی 20 کے حوالے سے ایل سی ایم اے کی تیاریوں سے متعلق ای ٹی وی بھارت کے نمائندے پرویز الدین نے لیک کنزرویشن اینڈ منیجمنٹ اتھارٹی کے وائس چیئرمین ڈاکٹر بشیر احمد بٹ کے ساتھ خصوصی گفتگو کی۔ اس موقع پر انہوں نے کہ کہا آئندہ ہونے والے جی 20 اجلاس سے متعلق تمام تیاریوں کو حتمی شکل دی جا رہی ہے۔

سرینگر:سرینگر میں معنقد ہونے والے جی 20 سربراہ اجلاس کے لیے مختلف محکمے تیاریوں میں جٹے ہوئے ہیں۔ وہیں کئی محکموں نے اپنی تیاریوں کو حتمی شکل دی یے۔ جی 20 اجلاس ایس کے آئی سی سی میں منعقد ہونے والا ہے۔ جہاں اس وقت تجدید و مرمت کا کام انجام دیا جا رہا ہے۔ وہیں 20 ممالک کے مندوبین کا شہر آفاق گلمرگ اور جھیل ڈل کی سیر کا بھی پروگرام ہے۔

ایسے میں محکمے لیک کنزرویشن اینڈ منیجمنٹ اتھارٹی جھیل ڈل کو جاذب نظر بنانے کے لیے صفائی ستھرائی عمل میں لارہا ہے۔ ڈل کے ایک بڑے حصے کو پہلے ہی صاف کیا گیا ہے اور دوسرے حصے پر صفائی ستھرائی کا کام شدومد سے جاری ہے۔ جی 20 کے حوالے سے ایل سی ایم اے کی تیاریوں سے متعلق ای ٹی وی بھارت کے نمائندے پرویز الدین نے لیک کنزرویشن اینڈ منیجمنٹ اتھارٹی کے وائس چیئرمین ڈاکٹر بشیر احمد بٹ کے ساتھ خصوصی گفتگو کی۔

اس موقع پر انہوں نے کہ کہا آئندہ ہونے والی جی 20 اجلاس سے متعلق تمام تیاریوں کو حتمی شکل دی جارہی ہے۔ جھیل ڈل کو خود رو گھاس پھوس اور لیلی سے پاک اور صفائی کے لیے اس وقت کئی مقامات پر بڑی افرادی قوت کے ساتھ مشنیری کو بھی کام پر لگایا گیا ہے تاکہ جھیل ڈل کو جاذب نظر بنایا جاسکے۔ وی سی نے کہا کہ محکمے کی جانب سے اگرچہ جھیل ڈل میں سال بھر صفائی ستھرائی کا کام انجام دیا جاتا رہا ہے۔ لیکن جی 20 سربراہ اجلاس کے لیے جھیل کے کئی اہم مقامات کی صفائی پر خصوصی توجہ مرکوز کی جارہی ہے۔

ایک سوال کا جواب دیتے ہوئے ڈاکٹر بشیر احمد نے کہا کہ اگرچہ یہ واضح نہیں ہے کہ آنے والے مندوبین جھیل ڈل کے کس حصے کی سیر کریں گے۔ البتہ ہماری کوشش یہ ہے کہ اسے ہر طرف سے جاذب نظر بنایا جائے۔ تاکہ بین الاقوامی سطح پر ایک مثبت پیغام جائے۔ ایسے میں یہاں کے سیاحتی شعبے کو مزید فروغ حاصل ہوگا اور عین ممکن ہے اس سے غیر ملکی سیاحوں کی خاصی تعداد بھی کشمیر کا رخ کر سکتی ہے۔

ڈل جھیل کے اندر کئی علاقوں کو سیاحتی نقشے پر لانے اور مزکورہ علاقوں کو سیاحتی گاؤں کے طور ابھرانے کے تعلق سے بات کرتے ہوئے انہوں نے کہا کہ لیک کنزرویشن اینڈ منیجمنٹ اتھارٹی نے منتخب شدہ علاقوں کی صفائی ستھرائی کے علاوہ نویگیشن چینلوں کی بحالی اور دیگر کاموں کو ہاتھ میں لیا ہے۔ ایسے میں اب نہ صرف بلوارڈ کی طرف سے جھیل ڈل کے حصے کا سیر کرتے ہوئے دیکھے جائے گے بلکہ اندون ڈل میں بھی سیاح سیر کرتے ہوئے دیکھے جاسکتے ہیں۔

بات چیت کے دوران انہوں نے کہا کہ ڈل جھیل میں ملک کا سب سے اونچاائرٹر یعنی فوٹین نصب کیا گیا ہے۔ جوکہ 85 میٹر یعنی 279 فٹ تک پانی اوپر کی طرف پھیکنے گا۔ اس کے علاوہ جھیل میں 6 مزید مقامات پر ایئر ٹیر لگائے گئے ہیں جو کہ شام کے اوقات میں ڈل جھیل کی خوبصورتی میں چار چاند لگاتے ہیں۔ اس طرح کے اقدامات سے جھیل کو پُر کشش بنانے کے ساتھ ساتھ جی 20 اجلاس کے موقعے پر ایک خاص شکل بھی دینا بھی مقصود ہے۔

واضح رہے کہ رواں ماہ مئی کے آخری مہینے میں ہونے آنے والی جی 20 سربراہ اجلاس کے حوالے سے کانفرنسز سرینگر سمیت بھارت کے 56 شہروں میں منعقد ہونے جارہی ہیں اور اس دوران سیاحت پر خصوصی توجہ دی جائے گی۔ مرکزی وزیر سیاحت جی کشن ریڈی نے کہا کہ اے ایس آئی کے اعدادو شمار کے مطابق ملک میں 3600 سے زیادہ یادگاریں ہیں اور دنیا بھر سے آنے والے مہمانوں اور سیاحوں کے لیے توجہ کا مرکز ہوں گے۔