سڑک حادثے میں سی آر پی ایف اہلکار، آٹو رکشا ڈرائیور زخمی

سرینگر کے مضافات پارمپورہ علاقے میں شاہراہ پر حادثے کے دوران ایک سی آر پی ایف اہلکار سمیت ایک آٹو رکشا ڈرائیور زخمی ہو گئے۔

آفیشلز کے مطابق سرینگر کے مضافاتی علاقہ پارمپورہ میں شاہراہ پر ہفتہ کی صبح ایک آٹو رکشا (زیر رجسٹریشن نمبر JK01AB-5178) ڈرائیور کے قابو سے باہر ہو کر حادثے کا شکار ہو گیا۔

آفیشلز نے بتایا کہ اس حادثے میں آٹو رکشا ڈرائیور سمیت شاہراہ پر ڈیوٹی انجام دے رہے ایک سی آر پی ایف اہلکار بھی زخمی ہو گیا۔

زخمیوں کو فوری طور ایس ایم ایچ اسپتال سرینگر پہنچایا گیا جہاں دونوں کی حالت مستحکم بتائی جا رہی ہے۔

زخمی ہونے والے سی آر پی ایف اہلکار کی شناخت اشوک کمار جبکہ آٹو رکشا ڈرائیور کی شناخت محمد مقبول پرے کے طور پر ہوئی ہے۔