سرینگر میں یکم اپریل کو کووڈ ٹیکہ کاری مہم

دارالحکومت سرینگر میں یکم اپریل کو 45 برس سے زیادہ عمر والے افراد کو کورونا ٹیکہ لگایا جائے گا۔

جموں و کشمیر کے دارالحکومت سرینگر میں آئندہ کل یعنی یکم اپریل کو کورونا ٹیکہ کاری مہم چلائی جائے گی جس کے تحت 45 سال یا اس سے زیادہ عمر والے افراد کو کورونا ٹیکہ دیا جائے گا۔

اس بات کی جانکاری ضلع ترقیاتی کمشنر سرینگر اعجاز اسد نے ایک ویڈیو پیغام میں دیا ہے۔

اعجاز اس نے کہا ہے کہ کورونا وائرس کی روک تھام کے لیے ضلع سرینگر میں ان تمام افراد، جن کی عمر 45 یا اس سے زیادہ ہے ان کے لیے کورونا وائرس ویکسینیشن پروگرام عمل میں لایا جا رہا ہے اور اس دوران انہیں کورونا ٹیکہ دیا جائے گا۔ انہوں نے لوگوں سے اپیل کی ہے کہ وہ اس پروگرام میں حصہ لے کر کورونا ٹیکہ لگوائے تاکہ اس کو مزید پھیلنے سے روکا جا سکے۔ ضلع ترقیاتی کمشنر نے لوگوں سے کورونا وائرس سے بچاؤ کے احتیاطی تدابیر یا ایس او پیز پر عمل درآمد کرنے کی اپیل بھی ہے۔