جموں و کشمیر: لاک ڈاؤن سے سڑکیں اور بازار ویران

جموں و کشمیر میں لاک ڈاؤن کے دوران کوڈ19 کے مصدقہ کیسز کی تعداد 270 پہنچ چکی ہے جبکہ چار افراد کا انتقال ہو چکا ہے جس سے عوام میں تشویش بڑھ گئ ہے۔

لاک ڈاؤن سے سڑکیں اور بازار ویران ہوگئے ہیں جبکہ لوگ گھروں میں محدود ہوکر تشویش ناک حالات میں رہ رہے ہیں۔

انتظامیہ نے جموں و کشمیر میں 77 علاقوں کو ریڈ زون قرار دے کر ان میں لوگوں کی نقل و حمل پر پوری طرح پابندی عائد کی ہے اور انتظامیہ کا کہنا ہے کہ ان علاقوں میں ضروری اشیاء و خدمات لو گوں کے گھروں تک پہنچائی جا رہی ہے۔

پولیس نے لاک ڈاؤن کی خلاف ورزی کرنے والے سینکڑوں افراد کے خلاف کیسز درج کیے ہیں جبکہ کئی دکانوں و گاڑیوں کو ضبط بھی کیا گیا ہے۔

لاک ڈاؤن سے لوگ مشکلات کا سامنا کر رہے ہیں، جس کی وجہ سے رضاکار تنظیمیں بھی ان کیلئے سرگرم ہیں۔