ایل جی منوج سنہا نے ٹویٹ کرتے ہوئے کہا کہ سنیچر کی شام آٹھ بجے (یعنی آج) سے پیر کی صج چھ بجے تک کورونا کرفیو نافذ رہے گا۔
ٹیوٹ کے ذریعے لیفٹیننٹ گورنر نے کہا ہے کہ اس دوران سبھی بازار اور تجارتی مراکز بند رہیں گے جبکہ صرف ایمرجنسی خدمات کو ہی نقل و حمل کی اجازت دی جائے گی۔
انتظامیہ نے گزشتہ دنوں ہی جموں وکشمیر کے تمام تعلیمی اداروں کو بند، جبکہ مارکیٹ اور ٹرانسپورٹ میں آڈ ایون نظام کے تحت 50فیصد کمی لائی ہے۔
دریں اثناء محکمہ صحت نے ہفتہ کو ایک حکمنامہ جاری کرتے ہوئے 23ہسپالوں کو کووڈ مریضوں کے علاج و معالجے کے لیے مختص کیا ہے جن میں صوبہ کشمیر سے 15جبکہ صوبہ جموں سے 8اسپتال شامل ہیں۔
قابل ذکر ہے گزشتہ کئی دنوں سے جموں و کشمیر میں عالمی وبا کورونا وائرس کے مثبت معاملات میں تیزی سے اضافہ ہو رہا جبکہ شرح اموات میں بھی تشویشناک حد تک اضافہ ہوا ہے۔ گزشتہ روز جموں و کشمیر میں قریب 2000مثبت معاملات درج کیے گئے وہیں اس موذی وائرس سے 19اموات بھی ہوئیں۔
