حد بندی کمیشن میں شرکت کا فیصلہ قیادت کرے گی: پی ڈی پی ترجمان

پیپلز ڈیموکریٹک پارٹی (پی ڈی پی) نے کہا ہے کہ حد بندی کمیشن کے متعلق جموں و کشمیر کے عوام میں تحفظات ہیں اور اس کمیشن کے قیام کے متعلق بھی مختلف سوال پیدا ہوئے ہیں۔

پی ڈی پی ترجمان سہیل بخاری نے بتایا کہ کمیشن سے ملاقات میں شرکت کے متعلق پارٹی کی قیادت فیصلہ کرے گی۔

غور طلب ہے کہ حد بندی کمیشن کا وفد 6 جولائی سے جموں و کشمیر کا دورہ کر رہی ہے جس دوران کمیشن کے ممبران سیاسی جماعتوں کے لیڈران کے علاوہ ضلع ترقیاتی کمشنروں کے ساتھ بھی سات نئے اسمبلی حلقوں کے قیام کے متعلق تبادلہ خیال کرے گا۔

پی ڈی پی صدر محبوبہ مفتی گزشتہ دو روز سے ’فئیر ویو‘ رہائش گاہ میں پارٹی لیڈران سے ملاقات کر رہی ہے۔

سہیل بخاری کا کہنا تھا کہ وزیر اعظم نریندر مودی کے ساتھ ملاقات کے بعد پارٹی صدر نے ممبران سے سیاسی و دیگر امور پر گفتگو کی۔

انکا کہنا تھا کہ اسمبلی الیکشن میں پارٹی صدر نے صاف کہا ہے کہ وہ خود حصہ نہیں لیے گیں تاہم پارٹی کے ممبران اس میں مقابلہ کریں گے جس وقت بھی الیکشن منعقد کئے جائیں گے۔

انکا مزید کہنا تھا کہ پی ڈی پی گپکار الائنس کا حصہ ہے اور اس کا حصہ بن کر رہے گی۔