کشمیر میں سرد موسم بدستور برقرار، کشمیر کا ضلع شوپیاں سب سے سرد ریکارڈ کیا گیا

Cold Weather Continues in Kashmir: وادیٔ کشمیر میں سردی کی لہر بدستور جاری ہے جس سے وجہ سے درجۂ حرارت نقطۂ انجماد سے نیچے رہتا ہے، جب کہ خشک موسم کے باعث دن کو بھی سردی کی شدت رہتی ہے۔ محکمۂ موسمیات کے مطابق وادی میں ابھی تک برفباری یا بارش کا کوئی امکان نظر نہیں آرہا ہے، جس سے لگ رہا ہے کہ سردی کی شدت میں اضافہ ہی ہوگا۔

سرینگر:گذشتہ دنوں کی طرح اب بھی کشمیر میں سرد ترین موسم جاری ہے۔ وادی کے سبھی اضلاع میں شبانہ درجۂ حرارت نقطۂ انجماد سے کئی ڈگری نیچے ریکارڈ کیا گیا۔ لیکن کہیں کہیں دھند میں کمی تو کہیں زیادتی بھی ریکارڈ کی گئی۔ تاہم دار الحکومت سرینگر میں صبح کے وقت گہری دھند چھائی رہی۔ جنوبی کشمیر کا ضلع شوپیاں منفی 7.0 درجۂ حرارت کے ساتھ سب سے ٹھنڈا رہا۔ وادیٔ کشمیر کے دس اضلاع میں سردی کی شدت سے شبانہ درجۂ حرارت منفی درج کیا گیا۔ محکمۂ موسمیات کے مطابق سرینگر شہر میں شبانہ درجۂ حرارت منفی 4۰8 درج کیا گیا، ضلع اننت ناگ کے قاضی گنڈ میں منفی 4۰6، سیاحتی مقام پہلگام میں منفی 6۰6، گلمرگ میں منفی 3۰8، کوکرناگ میں منفی 3۰2، پہاڑی ضلع کپواڑہ میں منفی 5۰3، اننت ناگ قصبہ میں منفی 7۰2، گاندربل میں منفی 4۰5، پلوامہ میں منفی 6۰6، بانڈی پورہ میں منفی 5۰5، بارہمولہ میں منفی 6۰0، بڈگام میں منفی 5۰0، کلگام میں منفی 3۰0 اور ضلع شوپیان میں منفی 7۰0 ڈگری سیلسیس درجۂ حرارت درج کیا گیا ہے۔

صوبہ جموں میں درجۂ حرارت نقطۂ انجماد سے اُوپر درج کیا گیا ہے۔ جموں ضلع میں 7۰0 اور سانبہ میں 8۰0 جب کہ ڈوڈہ کے بٹوٹ علاقے میں 2۰5 ڈگری سیلسیس درج درجۂ حرارت درج کیا گیا ہے۔ لداخ یونین ٹریٹری میں لیہہ میں منفی 12۰4، کرگل میں منفی 10۰7 اور دراس میں منفی 14۰0 ڈگری سیلسیس درجۂ حرارت درج کیا گیا ہے۔ یاد رہے کہ وادی میں خشک موسم چل رہا ہے۔ رواں موسم سرما میں ابھی تک اس قدر بارش یا برفباری نہیں ہوئی ہے جس قدر ماضی میں ہوتی تھی۔ امسال نومبر میں ایک روز کے لیے بارش اور ہلکی برفباری ہوئی تھی۔ گلمرگ، پہلگام اور دیگر پہاڑی و سیاحتی مقامات بھی خشک موسم درج کر رہے ہیں۔