'کشمیر کے بہتر مستقبل کے لیے کردار ادا کریں'

یہ تقریب یونیورسٹی آف کشمیر میں منعقد کی گئی، جس میں جامعہ ملیہ اسلامیہ سے فارغ ہوئے شاگردوں نے شرکت کی۔

وادی کشمیر سے تعلق رکھنے والے سابق طلباء نے دہلی میں واقع جامعہ ملیہ اسلامیہ یونیورسٹی کی سویں برسی پر اس اعلیٰ تعلیمی ادارے کی یاد میں اور اپنا خراج تحسین پیش کرنے کے لئے اتوار کو ایک اعلی تقریب منعقد کی۔

یہ تقریب یونیورسٹی آف کشمیر میں منعقد کی گئی، جس میں جامعہ ملیہ اسلامیہ سے فارغ ہوئے شاگردوں نے شرکت کی۔ اس پروگرام کا انعقاد بھی انہی سابق طلباء نے کیا تھا۔

تقریب کے دوران کئی سابق طلباء نے خطاب کیا اور اس ادارے کی افتتاح سے آج تک کا سفر بیان کیا۔ سابق طلباء نے اس دوران جامعہ میں تعلیم حاصل کرنے کے دورانیہ کی یاد تازہ کی اور ان کی زندگی میں اس تعلیم ادارے سے آئی بہتر تبدیلی کا ذکر کرتے ہوئے اس ادارے کی بھرپور خراج تحسین پیش کی۔

وادی کشمیر کے ہزاروں طلباء نے جامعہ ملیہ اسلامیہ یونیورسٹی میں اعلیٰ تعلیم حاصل کی ہے اور متعدد طلباء فی الوقت جموں و کشمیر کے سرکاری و تعلیمی اداروں میں اعلیٰ عہدوں پر فائز ہیں۔ اس وقت بھی درجنوں طلباء اس یونیورسٹی میں زیر تعلیم ہیں۔

سابق طلباء نے اس موقع پر کہا جامعہ ملیہ اسلامیہ یونیورسٹی میں تعلیم حاصل کرنے سے ان کی زندگی میں آئی ہوئی بہتر تبدیلی کو وہ فراموش نہیں کر سکتے۔

ان کا کہنا ہے کہ وہ کشمیر میں نوجوانوں کو اس اعلیٰ سطحی تعلیمی ادارے میں داخلہ لینے کے لیے محنت کریں اور اپنے مستقبل کے ساتھ ساتھ کشمیر کے بہتر تعلیمی مستقبل میں اپنا کردار ادا کریں۔