سرینگر میں 15 سالہ لڑکا ڈوب کر ہلاک

جموں و کشمیر کے سرینگر کے رعناواری میں ہفتے کے روز 15 سالہ لڑکا ڈوب کر ہلاک ہوگیا۔

ایک پولیس اہلکار نے بتایا کہ رعناوری سرینگر علاقے میں ہفتے کے روز ایک ایک نابالغ لڑکا ڈوب کر ہلاک ہوگیا-

پولیس کے مطابق لڑکا اپنے دوستوں کے ہمراہ نہانے کی غرض سے ڈل جھیل کے آس پاس گیا تھا تاہم اس دوران وہ ڈوب گیا اور ہلاک ہوا- ہلاک شدہ لڑکے کی شناخت کفایت احمد کے نام سے ہوئی ہے وہ اپنے دوست کے ساتھ نہاتے ہوئے رعناوری علاقے میں ڈوب گیا۔

انہوں نے بتایا کہ بعد میں اس کی لاش کو باہر نکالا گیا اور اسے غوثیہ ہسپتال خانیار لے جایا گیا جہاں ڈاکٹروں نے انہیں مردہ قرار دیا۔دریں اثنا قانونی کارروائیوں کے بعد لاش کو آخری رسومات کے لیے اس کے اہل خانہ کے حوالے کردیا گیا۔