جموں وکشمیر میں بی جے پی کے ریاستی صدر روندر رینا کا ویڈیو وائرل ہو رہا ہے جس میں ایک ڈاکٹر اور وہ گانا گاتے نظر آرہے ہیں۔
یہ ویڈیو آج شام منظر عام پر آئی ہے جس میں ایک ڈاکٹر اکشے کمار کی فلم کیسری کا گانا 'تیری مٹی میں مل جاواں گا رہا ہے، یہ ڈاکٹر کورونا سے متاثر بی جے پی کے ریاستی صدر روندر رینا کے آئیسلوشن وارڈ میں ہی گانا گاتا ہے جس کے بعد روندر رینا بھی ڈاکٹر کی سر میں سر ملاتے نظر آئے۔
آپ کو بتا دیں کہ روندر رینا کورونا سے متاثر وئے تھے جس کے بعد انہیں سرینگر کے ماتا ویشنو دیوی اسپتال میں داخل کرایا گیا تھا اس وقت وہ وہیں اسپتال کے آئیسلوشن وارڈ میں بھرتی ہیں، اور کورونا کا علاج کرا رہے ہیں۔
اسی دوران اسپتال کے ایک ڈاکٹر چنچل انہیں اکشے کمار کی فلم کیسری کا گانا سنا رہے ہیں، اس کے تھوڑی دیر کے بعد روندر رینا بھی ڈاکٹر کے ساتھ گانا گانے لگتے ہیں، ان دونوں کا یہ ویڈیو سوشل میڈیا پر وائرل ہو گیا۔
اہم بات یہ ہے کہ روندر رینا کا جمعہ کو دوسرا ٹیسٹ کیا گیا جس کی رپورٹ مثبت آئی ہے۔