وادی کشمیر میں برڈ واچنگ کا سلسلہ ایک بار پھر سے شروع

محکمہ وائلڈ لائف کی جانب سے آج سرینگر کے داچھی گام نیشنل پارک میں برڈ واچنگ کی مناسبت سے ایک میٹ کا اہتمام کیا گیا- اس میٹ میں تقریباً 40 شائقین نے حصہ لیا اور انہیں تقریباً چالیس مختلف اقسام کے پرندے دیکھنے کو ملے۔

وادی کشمیر میں گزشتہ دو برسوں سے جہاں معملوت زندگی مفلوج ہو کر رہ گئی تھی، وہیں اب آہستہ آہستہ ماحول میں تبدیلی آرہی ہے۔ ایک وقت تھا جب کشمیر میں لوگ برڈ واچنگ یعنی پرندوں کے مشاہدے کے لیے گھروں سے باہر نکلتے ہیں۔ وہ وقت پھر سے لوٹ رہا ہے۔

محکمہ وائلڈ لائف کی جانب سے آج سرینگر کے داچھی گام نیشنل پارک میں برڈ واچنگ کی مناسبت سے ایک میٹ کا اہتمام کیا گیا- اس میٹ میں تقریباً 40 شائقین نے حصہ لیا اور انہیں تقریباً چالیس مختلف اقسام کے پرندے دیکھنے کو ملے۔

برڈ واتچر سبرینا کا کہنا ہے 'آج ہمیں بہت کچھ سیکھنے کو ملا- ہمارے ساتھ ماہرین تھے جو وقت قت پر رہنمائی کر رہے تھے۔ لاک ڈاون کے دوران ہم لوگ زہنی کوفت کا شکار ہورہے تھے اور اس پروگرام سے ہمارا کافی فائدہ ہوا ہے'۔

برڈ واتچرحمیرا کا کہنا ہے 'ہم پہلی پار برڈ واچنگ کے لئے آئے ہیں- یہاں آکر بہت کچھ سیکھنے کو بھی ملا- ہم یہاں سے واپس جا کر اپنی روز مرا کی زندگی میں برڈ واچنگ جاری رکھیں گے'۔

وہیں جانوروں کے ماہرین کا ماننا ہے 'محکمہ وائلڈ لائف کی جانب سے یہ ایک اچھا قدم ہے۔ تاہم ابھی بہت کچھ کرنے کی ضرورت ہے'۔

نبی کا کہنا ہے کہ 'ایسے پروگرامس کی وجہ سے عوام کی جانوروں کی طرف دلچسبی بڑھے گی۔ لیکن اس کام کو مزید پروان چڑھانے کی ضرورت ہے۔

ان کا مزید کہنا ہے 'آج نوجوانوں کو جو تربیت یہاں ملی ہے امید ہیں اس سے یہ نوجوان برڈ واچنگ کی جانب مزید دھیان دیں گے'۔

جموں و کشمیر میں دفعہ 370 کے خاتمے اور کورونا وائرس کے پیش نظر لاک ڈاون کی وجہ سے عام عوام کے ساتھ نوجوان نسل کافی متاثر ہوئی۔ لیکن اب انتظامیہ کی جانب سے اس طرح کے پروگرامس نوجوانوں کے لیے فائدہ مند ثابت ہو سکتے ہیں۔