جہاں عائشہ شاہ امریکی صدر کی ڈیجیٹل اسٹریٹجی ٹیم کی ممبر منتخب کی گئی ہیں وہیں فاضلی نیشنل اکنامک کونسل میں ڈپٹی ڈائریکٹر کا عہدہ سنبھالیں گی۔
تین بچوں کی ماں فاضلی جو بائیڈن کی حکومت میں امریکہ میں مینوفیکچرنگ، جدیدیت اور ڈومیسٹک کمپٹیشن پر نظر رکھیں گی۔ وہ اس اہم ترین عہدے سے قبل فیڈرل ریزرو بینک آف اٹلانٹا میں بطور ڈائریکٹر کام کر چکی ہیں۔
اس سے پہلے وہ وائٹ ہاؤس کی نیشنل اکنامک کونسل میں سیر پالیسی ایڈوائزر کا عہدہ بھی سنبھال چکی ہیں۔
امریکی انتظامیہ میں آنے سے قبل وہ مقبول یونیورسٹی ییل 'لا' اسکول میں بطور کلینکل لیکچر اپنی خدمات انجام دے چکی ہیں۔
فاضلی نے اسی کالج سے قانون کی ڈگری حاصل کی اور اس سے قبل ہاروڈ کالج سے گریجویشن کیا تھا۔ اگرچہ فاصلہ کا تعلق کشمیر سے ہے تاہم ان کی پیدائش امریکہ کے شہر نیویارک میں ہوئی اور شادی کے بعد وہ اپنے شوہر اور تین بچوں کے ساتھ اس وقت بوفالو میں رہتی ہیں۔
ان کے والد ڈاکٹر سعید یوسف فاضلی اور والدہ رفیعہ فاضلی کشمیر سے تعلق رکھتی ہیں لیکن کئی برسوں تک امریکہ میں رہنے کے بعد اب یہ لوگ امریکی شہریت حاصل کرچکے ہیں۔
