ملازمین کی سالانہ پراپرٹی کی تفصیلات منظرعام پر لانے کا حکم

صوبائی کمشنر پی کے پولے نے تمام ریونیو ملازمین کو اپنی سالانہ پراپرٹی ریٹرن 2021 کی تفصیلات فوری طور پر پیش کرنے کے لیے سخت ہدایات جاری کی ہیں۔

صوبائی کمشنر کشمیر پی کے پولے نے کہا کہ وادی کشمیر کے تمام ریونیو ملازمین کی سالانہ پراپرٹی ریٹرن کی تفصیلات کو منظر عام لایا گیا ہے۔ وہیں اگر کوئی ملازم تفصیلات فراہم کرنے میں حکم عدولی کا مرتکب پایا گیا تو اس کے خلاف قانونی کارروائی عمل میں لائی جائی گی۔
صوبائی کمشنر نے کہا محکمہ مال کے ملازمین کے املاک ریٹرنز کی تفصیلات http://kashmirdivision.nic.in کی ویب سائٹ پر اپ لوڈ کردی گئیں ہیں۔
پی کے پولے نے تمام ریونیو ملازمین کو اپنی سالانہ پراپرٹی ریٹرن 2021 کی تفصیلات فوری طور پیش کرنے کے سخت ہدایات جاری کی ہیں۔
ہدایت میں سبھی تحصیلداروں، نائب تحصیلداروں، گرداواروں، پٹواریوں، جونئیر اسسٹنٹس اور دیگر عہدیداران سمیت محکمہ ریونیو کے ملازمین کو سالانہ ڈپٹی کمشنرز کے دفاتر میں 15 فروری سے پہلے اپنی منقولہ اور غیر منقولہ جائداد کی تفصیلات پیش کرنے کو کہا گیا ہے۔ تاکہ مزکورہ تفصیلات کو سرکاری ویب سائٹ پر وقت پر اپ لوڈ کیا جاسکے۔