انجمن اوقاف جامع مسجد سرینگر کے بیان کے مطابق حسب روایت عید الفطر کی نماز عیدگاہ سرینگر میں 9:30 بجے صبح اداکی جائے گی۔ Eid Prayer Timing At Srinagar Eidgah Announcedانجمن اوقاف نے ایک بیان میں مزید کہا ہے کہ ’’خراب موسم کی صورت میں مقررہ وقت پر ہی مرکزی جامع مسجد سرینگر میں نماز عید ادا ہوگی۔
عیدگاہ میں نماز عید کا اہتمام انجمن اوقاف جامع مسجد کے ذریعے ہوتا ہے۔ یہ جموں و کشمیر مین اکثر زیارات اور بڑی مساجد کا انتطام و انصرام کرنے والے جموں و کشمیر وقف بورڈ کے تابع نہیں ہے۔ اوقاف اسلامیہ کی سربراہی میرواعظ عمر فاروق کررہے ہیں جو گزشتہ تین سال اپنی رہائش گاہ واقع نگین سرینگر میں نظر بند ہیں۔
انجمن اوقاف جامع مسجد سرینگر نے مسلمانوں سے اپیل ہے کہ وہ اسلامی طرز پر نظم و ضبط کا مظاہرہ کرکے وقت پر نماز عید کیلئے عیدگاہ میں اپنی حاضری کو یقینی بنا کر اجر دارین حاصل کریں۔ انجمن اوقاف نے مصلیٰ یا جائے نماز بھی ساتھ لانے کی اپیل کی ہے۔ قابل ذکر ہے کہ سرینگر انتظامیہ نے جامع مسجد سرینگر میں شب قدر اور جمعۃ الوداع کی تقریبات پر پابندی عائد کر دی تھی۔ عیدگاہ یا جامع مسجد میں حکام کی جانب سے عید نماز کی ادائیگی کی اجازات یا ممانعت پر کوئی بیان سامنے نہیں آیا ہے۔