بقایا تنخواہوں کی ادائیگی اور مستقل کرنے کا مطالبہ

محکمہ آنگن واڑی میں تعینات ملازمین نے آج سرینگر پریس کالونی میں احتجاج کرتے ہوئے بقایا تنخواہوں کی ادائیگی اور مستقل کرنے کا مطالبہ کیا۔

سری نگر: محکمہ آنگن واڑی میں تعینات سپر وائزرز اور ہیلپرز نے بدھ کے روز پریس کالونی میں احتجاج کرتے ہوئے بقایا تنخواہوں کی ادائیگی اور مستقل کرنے کا مطالبہ کیا۔

احتجاج کررہے مطاہرین میں سے نزہت نامی ایک سپر وائزر نے بتایا کہ ہم گذشتہ ڈھائی برسوں سے تنخواہوں سے محروم ہیں جس کی وجہ سے ہمیں گونا گوں مشکلات کا سامنا ہے۔

انہوں نے کہا کہ 'ہم گذشتہ ایک برس سے متعلقہ محکمے کے عہدیداروں سے مسلسل مطالبہ کر رہے ہیں لیکن کوئی ہمارے مسئلے کو حل کرنے کے لیے موثر اقدامات نہیں کر رہا ہے۔'

موصوفہ نے بتایا کہ 'غریب گھرانوں کی لڑکیاں سپروائزرس اور ہیلپرس کی حیثیت سے کام کر رہی ہیں جن کے پاس آمدنی کا کوئی دوسرا ذریعہ نہیں ہے۔

انہوں نے تنخواہوں کی ادائیگی کے ساتھ ساتھ ان کی نوکریوں کو مستقل کرنے کا بھی مطالبہ کیا۔ ان کا کہنا تھا کہ ہماری نوکریوں کو مستقل کیا جانا چاہیے تاکہ ہمیں تنخواہوں کے لیے سڑکوں پر بار بار نہ آنا پڑے۔