khadi & village Board Organised Awareness Camp :کھادی اینڈ ولیج بورڈ کی جانب سے جانکاری پروگرام

جموں وکشمیر کے ضلع ترال میں ایک آگاہی کیمپ کا انعقاد کیا گیا، جس میں بورڈ کی چیئرپرسن ڈاکٹر حنابٹ مہمان خصوصی کے بطور شامل ہوئی، جبکہ ڈی ڈی سی ممبر ڈاڈسرہ اوتار سنگھ اور مقامی نوجوان لڑکیوں اور لڑکوں نے شرکت کی۔

کھادی ایند ولیج بورڈ کشمیر کی جانب سے آج ٹاون ہال ترال میں ایک آگاہی کیمپ کا انعقاد کیا گیا، جس میں بورڈ کی چیئرپرسن ڈاکٹر حنابٹ مہمان خصوصی کے بطور شامل ہوئی، جبکہ ڈی ڈی سی ممبر ڈاڈسرہ اوتار سنگھ اور مقامی نوجوان لڑکیوں اور لڑکوں نے شرکت کی اس موقع پر بتایا گیا کہ کھادی اینڈ ولیج بورڈ ملک میں اول مقام بنانے میں کامیاب ہوا ہے، کیونکہ پچھلے چار برسوں میں بورڈ کی مالی معاونت سے ہزاروں خود روزگار یونٹ کھولے گیے ہیں، جنکی وجہ سے روزگار کے نئے راستے کھلے ہیں اور نوجوان نسل اقتصادی طور خودکفیل بنے میں مدد مل رہی ہے۔

میڈیا کے ساتھ بات کرتے ہوئے ڈاکٹر حنا شفیع بٹ نے بتایا کہ کھادی اور ولیج بورڈ جموں وکشمیر کے بیروزگار نوجوانوں کو مالی معاونت فراہم کرتا ہے۔ اسلیے نوجوانوں کو آگے آکر ہماری اسکیموں سے فائدہ اٹھانا چاہئے انھوں نے مزید بتایا کہ ترال علاقے میں پہلی بار وہ اس طرح کے جانکاری کیمپ فراہم کر رہے ہیں اور مستقبل میں بھی اس قسم کے کیمپ منعقد کیے جائیں گے۔

واضح رہے کہ وادی کشمیر میں ضلع انتظامیہ اور مختلف محکمہ جات کی جانب سے عوام میں شعور بیدار کرنے کےلئے مختلف پروگرامس کا انعقاد کیا جاتا ہے۔ اسی ضمن میں روزگار کے تعلق سے بھی مختلف محکموں کی جانب سے شعور بیداری پروگرام منعقد کیا جاتا ہے جس میں نوجوانوں کو روزگار سے متعلق مختلف جانکاریاں فراہم کی جاتی ہے۔