جموں وکشمیر: سولہ اگست سے عبادت گاہیں کھلیں گی

گزشتہ کئی ماہ سے جموں و کشمیر میں تمام درگاہیں، خانقاہیں، مساجد، مندر، گرجا گھر و دیگر عبادت گاہیں بند ہیں۔

جموں وکشمیر انتظامیہ کی جانب سے ایک اہم پیش رفت کے تحت رواں ماہ اگست کی 16 تاریخ سے تمام مزہبی عبادت گاہوں کو کھولنے کا فیصلہ کیا ہے۔ اس بات کی جانکاری جموں وکشمیر انتظامیہ کے ترجمان روہت کنسل نے اپنے ٹویٹ پیغام میں دی ہے۔
تاہم اس میں کہا گیا کسی بھی عبادت گاہ میں کوئی بھی بڑی اجتماعی تقریب منعقد کرنے کی اجازت نہیں ہوگئی۔

جموں وکشمیر میں کوروناوائرس کی عالمی وبا کے خطرات اور خدشات کے پیش نظر مارچ مہینے سے تمام سیاسی،سماجی اور مزہبی اجتماعات پر پابندی عائد ہیں۔وہیں گزشتہ کئی مہینوں سے جموں و کشمیر میں تمام درگاہیں، خانقاہیں، مساجد، مندر، گرجا گھر و دیگر عبادت گاہیں بند ہیں۔

اگرچہ انتظامیہ اور صحت ماہرین کی جانب سے واضح کئے گئے رہنما خطوط کے مطابق محلہ مساجد میں امام اور موزن سمیت متعین کئے گئے تین افراد ہی نماز ادا کررہے ہیں۔ لیکن وادی کے تمام زیارت گاہیں اور مرکزی مساجد مقفل ہیں۔