'انتظامیہ کھیلوں کو فروغ دینے کے لئے سنجیدہ'

منوج سنہا نے اس دوران کھلاڑیوں کی حوصلہ افزائی کرتے ہوئے کہا کہ انتظامیہ کھیل کود کی سرگرمیوں کو جموں و کشمیر میں فروغ اور مکمل تعاون دے گی۔

جموں و کشمیر لیفٹیننٹ گورنر منوج سنہا نے سرینگر میں اتوار کو پولو گراؤنڈ میں سپورٹس کمپلیکس کا افتتاح کیا اور اس دوران انہوں نے نوجوان کھلاڑیوں کی حوصلہ افزائی بھی کی۔

اس کمپلکس کی بنیاد 2017 میں رکھی گئی تھی اور آج مکمل ہونے کے ساتھ ہی اس کو کھلاڑیوں کے لئے وقف کیا گیا۔

منوج سنہا نے اس دوران کھلاڑیوں کی حوصلہ افزائی کرتے ہوئے کہا کہ انتظامیہ کھیل کود کی سرگرمیوں کو جموں و کشمیر میں فروغ اور مکمل تعاون دیگی تاکہ نوجوان اپنے ہنر اور کھیل کے جذبے کو آگے بڑھا سکیں۔

انہوں نے میڈیا کے ساتھ بات کرتے ہوئے کہا کہ انتظامیہ جموں و کمشیر میں کرکٹ، فٹبال اور دیگر کھیلوں کو بڑھاوا دینے کے لئے ایک منصوبے کے تحت کام کر رہی ہے۔

ان کا کہنا تھا کہ پی ایم ڈیولپمنٹ پیکیج اور کھیلو انڈیا کے تحت جموں و کشمیر میں گزشتہ ایک برس سے کام چل رہا ہے اور آگے بھی اس پر مزید کام کیا جائے گا-