JK Students English Language Ability جموں و کشمیر کے طلبہ کی انگریزی سمجھے کی صلاحیت قومی اوسط سے کم

ایک قومی سطح کے سروے نے جموں اور کشمیر کے اسکولوں میں داخل ہونے والے طلبہ کی قابلیت کی ایک خوفناک تصویر پیش کی ہے۔ Ability of JK students to comprehend English

سرینگر: یونیسیف (UNICEF) کے تعاون اور این سی ای آر ٹی کے ذریعے کی گی قومی سطح کے ایک سروے میں یہ بات سامنے آئی ہے کہ جموں و کشمیر کے اسکولوں میں انگریزی زبان کو سمجھنے کے لئے طلبہ کی کارکردگی قومی اوسط سے کم ہے۔ سروے میں انگریزی زبان کو سکھانے کے دوران طالب علموں کو کہی جانے والی کہانیوں اور تصویروں کے ذریعے زبان کے معنی کو سمجھنے کی صلاحیت کو ٹیسٹ کیا گیا تھا، جس میں ایک سے تین جملوں کے مختلف متن کو سننا اور ہر تحریر کے مواد کو دی گئی تصویروں کے ساتھ ملانا شامل تھا۔ Ability of JK students to comprehend English below national average

نتائج سے یہ بات سامنے آئی ہے کہ 77 فیصد طلبہ مختلف یعنی چار سے پانچ متن سننے اور سمجھنے کے قابل ہیں جب کہ طلبہ کی قومی اوسط کارکردگی 85 فیصد ہے۔ سماعی قابلت میں طلبا کو لفظ کی آوازوں کی شناخت کرنے کی صلاحیت کی بنیاد پر جانچا گیا۔ یہ کام گریڈ لیول کے الفاظ میں ابتدائی اور آخری آوازوں کی شناخت پر مبنی تھا۔ JK Students English Ability low

سروے سے یہ بات سامنے آئی ہے کہ 95 فیصد قومی اوسط کے مقابلے میں صرف 85 فیصد طلباء نے گریڈ لیول کے الفاظ میں کم از کم ایک ابتدائی آواز کی شناخت کی۔ اس کے علاوہ 78 فیصد طلباء نے 93 فیصد طلباء کی قومی اوسط کارکردگی کے مقابلے میں گریڈ لیول کے الفاظ میں کم از کم ایک حتمی آواز کی درست نشاندہی کی ہے۔ JK students English Language skill

سروے نے انکشاف کیا کہ ’’تقریباً 14 فیصد طلباء درجے کے کسی بھی لفظ میں ابتدائی آواز اور آخری آواز کی شناخت نہیں کر پائے جبکہ قومی سطح کی کارکردگی 4 فیصد ہے۔ سروے میں یہ بھی انکشاف ہوا ہے کہ 95 فیصد کی قومی اوسط کارکردگی کے مقابلے میں 88 فیصد طلباء 80-100 حروف کو صحیح اور روانی پڑھ سکتے ہیں۔

قابل ذکر بات ہے کہ نیشنل ایجوکیشن پالیسی 2020 نے انتہائی مناسب طریقے سے اس بات کی نشاندہی کی ہے کہ پڑھنے لکھنے کی صلاحیت اور اعداد کے ساتھ بنیادی کام انجام دینے کی صلاحیت مستقبل کی تعلیم کے لیے ایک ناگزیر شرط ہے۔ فاؤنڈیشنل لٹریسی کے لیے کوششوں کو مضبوط کرنے کی جانب ایک اہم قدم کے طور پر وزارت تعلیم نے مارچ 2022 کے دوران نیشنل کونسل آف ایجوکیشنل ریسرچ اینڈ ٹریننگ کے تعاون سے ملک گیر فاؤنڈیشنل لرننگ اسٹڈی کا انعقاد کیا ہے۔

سروے میں انگریزی کے علاوہ طلبا نے ریاضی میں بھی خراب کارکردگی کا مظاہرہ کیا۔ صرف 50 فیصد طلباء 9999 تک پڑھ سکتے ہیں جب کہ طلبا کی قومی اوسط کارکردگی کے مطابق 64 فیصد ہے۔