کولگام میں 70 سالہ خاتون کی لاش خندق سے ملی

ضلع کولگام کے دیوسر علاقہ میں جمعرات کے روز ایک 70 سالہ خاتون کی لاش نزدیکی گڑھے سے بر آمد ہوئی ہے۔

جنوبی کشمیر کے ضلع کولگام کے دیوسر علاقہ میں جمعرات کے روز ایک 70 سالہ خاتون کی لاش نزدیکی گڑھے سے بر آمد ہوئی ہے۔ دیوسر علاقے کی رہنے والی عزیزی بیگم ایک بیوہ خاتون تھی جنہیں جمعرات کے روز مردہ حالت میں گندہ پانی کے گڑھے سے برآمد کیا گیا ہے۔

اطلاع کے مطابق 70 سالہ خاتون 2 روز قبل رات کے وقت اچانک لاپتہ ہوگئی تھی۔ پولیس نے معاملہ درج کرکے تحقیقات شروع کردی ہے۔

ایک عہدیدار کا کہنا ہے کہ رات کے وقت خاتون اچانک گھر سے باہر نکل گئی تھی اور اپنا توازن کھو بیٹھنے کی وجہ سے گھر کے نزدیک ہی میں موجود ایک گڑھے میں جاگری تھی۔ تاہم معاملہ کی باریک بینی سے جانچ پڑتال شروع کردی گئی ہے۔