Fire Broke out at Namchabal Srinagar: سرینگر کے نمچہ بل میں آتشزدگی، کم از کم چھ مکان خاکستر

سرکاری ذرائع کے مطابق، فائر ٹنڈرس، پولیس اور مقامی لوگوں نے انتہائی مشقت کرکے آگ کو قابو میں کیا لیکن تب تک کم سے کم چھ رہائشی مکان جل کر خاکستر ہو گئے۔ Fire broke out at Namchabal srinagar

سرینگر: سرینگر کے نمچہ بل علاقے میں دوران شب آگ کی ایک بھیانک واردات میں کم سے کم نصف درجن رہائشی مکان خاکستر ہوگئے۔ سرکاری ذرائع نے بتایا کہ نچہ بل سری نگر میں جمعہ اور ہفتے کی درمیانی شب قریب بارہ بجے ایک رہائشی مکان سے آگ نمودار ہوئی جس کے شعلوں نے متصل مکانوں کو اپنی زد میں لے لیا۔ residential houses damaged in midnight blaze in Srinagar

انہوں نے کہا کہ فائر ٹنڈرس، پولیس اور مقامی لوگوں نے انتہائی مشقت کرکے آگ کو قابو میں کیا لیکن تب تک کم سے کم چھ رہائشی مکان جل کر خاکستر ہوگئے۔ خاکستر شدہ مکانوں کے مالکان محمد رفیق میر، اویس احمد میر، محمد اشرف میر، جلال الدین ڈار، محمد رفیق ترمبو، پروین بانو اور وسیم احمد ڈار ہیں۔ Fire broke out at Namchabal srinagar

دریں اثنا پولیس نے اس معاملے کا نوٹس لے کر کارروائی شروع کی ہے۔ بتادیں کہ وادی میں آتشزدگی کے واقعات کا رونما ہونا بھی اب ایک معمول سا بن گیا ہے جس سے لوگوں میں تشویش پائی جا رہی ہے۔ پانچ روز قبل ہی سری نگر کے ہی گوجوارہ علاقے میں آتشزدگی کے ایک واقعے کے دوران ایک مسجد شریف، دو شاپنگ کمپلیکس کی اوپری منزلیں اور ایک مکان خاکستر ہوا۔