پنجاب انٹرنیشنل بورڈنگ میں کشمیری بچوں کے لیے نشستیں مختص

کشمیری بچوں کے لیے خاص پہلی سے لے کر نویں جماعت تک کے نئے تعلیمی سال 2021 کے داخلے میں سبسڈی دی جارہی ہے جبکہ اسکول میں نیا داخلہ لینے والے طلبا کو اسکالر شپ کی بھی سہولیات رکھی گئی ہیں۔

ان باتوں کا اظہار پنجاب انٹرنیشنل بورڈنگ اسکول کے ایڈمیشن ہیڈ سمر جیت سنگھ نے منگل کے روز سرینگر میں ایک پریس کانفرنس کے دوران کیا۔

انہوں نے کہا کہ ایل کے جی سے لے کر نویں جماعت کے طلبا و طالبات کے 2021کے داخلے کے لیے خصوصی طور اسکول میں سالانہ ہاسٹل فیس میں ایک لاکھ سے ایک لاکھ 25ہزار کی سبسیڈی رکھی گئی ہے۔ اس کے علاوہ داخلے کے وقت بہتر کارکردگی کی بنیاد پر طلبا کو اسکالر شپ دینے کا بھی فیصلہ کیاگیا ہے۔ اسکالر شپ 10ہزار سے لے کر 50 ہزار تک دی جائے گی۔

نئے داخلے کے لیے مذکورہ اسکول میں کشمیر صوبے سے تعلق رکھنے والے بچوں کے لیے 50 نشستیں ایک خاص وقت کے لیے مختص ہیں۔ جبکہ 10 سٹیں بالترتیب جموں اور لداخ کے لیے رکھی گئیں ہیں۔

پریس کانفرنس کے دوران سمر جیت سنگھ نے کہا کہ اسکول میں بچوں کی بہتر پڑھائی کے لیے تمام تر سہولیات دستیاب ہیں۔ پڑھائی سے لےکر قیام و طعام تک اور کھیل کود سے لے کر تفریح تک اعلی معیار کی سہولت بچوں کے لیے موجود ہیں۔

واضح رہے کہ پنجاب انٹرنیشنل پبلک اسکول آئی سی ایس ای سے منسلک ہے۔