Kashmiri Athlete Rizza Alee Appointed As Scott Ambassador: کشمیری ایتھلیٹ رضا علی سکاٹ ایمبیسڈر مقرر

اسکاٹ اسپورٹس، ایک بین الاقوامی اسپورٹس برانڈ نے ایک 21 سالہ کشمیری کھلاڑی کو بھارت کے لیے اپنا برانڈ ایمبیسیڈر مقرر کیا ہے۔ Rizza Alee appointed as Scott ambassador

سرینگر: شمالی کشمیر کے نولاری گاؤں (پٹن) سے تعلق رکھنے والے ماؤنٹین بائیکر اور سنو بورڈررضا علی کسی بھی بین الاقوامی اسپورٹس برانڈ سے وابستہ ہونے والے وادی کے پہلی ایتھلیٹ بن گئے ہیں۔ ای ٹی وی بھارت کے ساتھ خصوصی بات چیت کرتے ہوئے اُن کا کہنا تھا کہ "برانڈ کے ساتھ وابستہ ہونے کا مطلب میرے لیے ایک بڑی ذمہ داری ہے۔ اس سے مجھے بین الاقوامی سطح پر فائدہ ہوگا۔ میں منٹل ہیلتھ کے مسائل کے بارے میں بیداری پیدا کروں گا۔ ماؤنٹین بائیکنگ کو بھارت بالخصوص کشمیر میں مقبول کروں گا۔" Rizza Alee, a mountain biker

اُن کا مزید کہنا تھا کہ "مجھے بچپن سے سائیکلنگ کا شوق تھا تاہم گھر والوں کا اتنا ساتھ بھی نہیں تھا، لیکن اب سب بدل گیا ہے۔ میرا خیال ہے کہ کوئی بھی کام مُشکِل نہیں ہے اگر آپ کریں تو۔"

علی بین الاقوامی سطح پر کشمیر کو پہاڑی بائیک کی منزل کے طور پر فروغ دینے کا بھی منصوبہ بنا رہا ہے۔ اُن کا کہنا ہے کہ "برانڈ ایمبیسیڈر ہونے کا مطلب صرف اس کا سامان استعمال کرنا نہیں ہوتا۔ کشمیر ماؤنٹین بائیکنگ کا ایک اہم مقام ہو سکتا ہے۔ میں اپنے سوشل میڈیا ہینڈلز کو پیغام پھیلانے کے لیے استعمال کروں گا اور اپنے لوگوں کو متاثر کرنے کے لیے ایڈونچر مواد تخلیق کروں گا۔" Rezza alee appointed as Scott ambassador

علی نے کہا کہ اس برانڈ کے ساتھ ان کی وابستگی نے بہت سے لوگوں کو ماؤنٹین بائیک کو بطور کھیل منتخب کرنے کی ترغیب دی ہے۔ علی کا کہنا ہے کہ "امثال میں کافی مصروف ہوں۔ اس میں کشمیر سے لیہہ سائیکلنگ شامل ہے، شمالی امریکہ میں 2022 کے موسم بہار میں سینٹرل پارک، نیو یارک سٹی کے ارد گرد سائیکلنگ، اس کے بعد نیویارک سے نیاگرا فالس تک سائیکلنگ شامل ہے۔" Rizza Alee, a mountain biker

واضع رہے کہ اسکاٹ سپورٹس ایس اے سائیکلوں، موسم سرما کے سازوسامان، موٹر اسپورٹس گیئر، اور سپورٹ ویئر بناتے ہیں۔ کمپنی کا مرکزی دفتر Givisiez، سوئٹزرلینڈ میں ہے، جس کی شاخیں یورپ کے ارد گرد اور ریاستہائے متحدہ، جنوبی افریقہ اور بھارت میں واقع ہیں۔ kashmiri athlete reza alee