شوپیان: بندوق برداروں نے نوجوان کو گولی مار کر شدید زخمی کر دیا

جنوبی کشمیر کے ضلع شوپیاں میں نا معلوم بندوق برداروں نے محکمہ دیہی ترقی میں یومیہ اجرت پر کام کر رہے عارضی ملازم کو گولی مار کر شدید زخمی کر دیا۔

جنوبی کشمیر کے شوپیان ضلع میں نامعلوم بندوق برداروں نے نوجوان کو گولی مار کر شدید زخمی کر دیا ہے۔

پولیس ذرائع کے مطابق نامعلوم بندوق برداروں نے ضلع کے نیل ڈورہ علاقے میں ایک نوجوان پر گولیاں چلائیں جسکی وجہ سے وہ شدید طور پر زخمی ہوا۔

نوجوان کو زخمی حالت میں ضلع ہسپتال شوپیان علاجِ و معالجے کے لیے پہنچایا گیا تاہم ڈاکٹروں نے نازک حالت کے چلتے اسے سرینگر کے ایس ایچ ایم ایس اسپتال منتقل کردیا۔

زخمی ہونے والے نوجوان کی شناخت سبزار احمد نائکو ولد عبدالرشید نائیکو کے طور پر ہوئی ہے۔ جو محکمہ دیہی ترقی میں یومیہ اجرت پر کام کر رہا ہے۔

واقعے کے بعد حفاظتی اہلکاروں نے نیل ڈورہ علاقے کو محاصرے میں لیکر حملہ آوروں کی تلاش شروع کر دی ہے۔