شوپیان: بندوق برداروں نے نوجوان کو گولی مار کر زخمی کر دیا

نوجوان کو ضلع ہسپتال شوپیان علاجِ و معالجہ کے لیے لایا گیا، ڈاکٹروں نے اسے سرینگر کے ایس ایچ ایم ایس اسپتال منتقل کر دیا ہے۔

جنوبی کشمیر کے شوپیان ضلع کے نیل ڈورہ علاقے میں نامعلوم بندوق برداروں نے نوجوان کو گولی مار کر شدید زخمی کر دیا ہے۔

زرائع کے مطابق نامعلوم بندوق برداروں نے ضلع شوپیان کے نیل ڈورہ علاقے میں ایک نوجوان جس کی شناخت سبزار احمد نائکو ولد عبدل الرشید نائیکو کے بطور ہوئی پر گولیاں چلائیں جس کی وجہ سے وہ شدید طور پر زخمی ہوا۔

نوجوان کو اگرچہ ضلع ہسپتال شوپیان علاجِ و معالجہ کے لیے لایا گیا، تاہم ڈاکٹروں نے اسے سرینگر کے ایس ایچ ایم ایس اسپتال منتقل کر دیا ہے۔

فورسز اہلکاروں نے نیل ڈورہ علاقے کو گھیرے میں لے کر حملہ آواروں کو ڈھونڈ نکالنے کی کوشش شروع کر دی ہیں۔