جنوبی کشمیر کے ضلع شوپیان میں 30 سالہ شوکت احمد دیدھڈ عارضی پل سے گرکر پانی میں ڈوبنے سے ہلاک ہوگئے۔ اس حادثے کی اطلاع ملتے ہی گاؤں میں کہرام مچ گیا، جبکہ ہر طرف رنج و افسوس کا ماحول ہے۔ Young Man Drowns to Death in Shopian
پل کی عدم دستیابی سے پانی میں ڈھوب کر نوجوان کی موت تفصیلات کے مطابق آج شام کے وقت زمپتھری بستی کے رہنے والے شوکت احمد دیدھڈ ولد محمد حسین دیدھڈ جو چار بچوں کا باپ تھا بتہ فوجن شوپیان سے ہل سنگرونی پلوامہ نالہ رومشی سے عارضی پل کے اوپر سے گزر رہے تھے، اسی دوران پانی کے تیز بہاؤ سے عارضی پل گر گیا جس کی وجہ 30 سالہ نوجوان پانی میں گر کر ہلاک ہوگیا۔
مقامی لوگوں نے بتایا کہ 'علاقے کے لوگ گذشتہ کئی برسوں سے علاقے میں پل کی مانگ کر رہے ہیں، تاہم انتظامیہ کی جانب سے ابھی تک علاقے کو پل فراہم نہیں کیا گیا ہے، جس کی وجہ سے عام لوگوں کو جانیں گوانی پڑتی ہیں۔
