شوپیاں : جنوبی کشمیر کے ضلع شوپیاں کے علاقے ناراپورہ میں نامعلوم بندوق بردار نے ایک شخص پر فائرنگ کی۔ اسی علاقے سے گولیوں سے چھلنی ایک لاش کو برآمد کیا گیا ہے۔ Man Found Dead With Bullet Injury
پولیس کے ایک ترجمان نے ایک ٹویٹ میں کہا کہ شوپیان کے نارپورہ علاقے میں گولیوں سے چھلنی ایک لاش کو برآمد کیا گیا ہے جس کی شناخت منظور احمد نینگرو ولد غلام محمد نینگرو ساکنہ ہانجن پلوامہ کے بطور ہوئی ہے۔
ذرائع کے مطابق ہلاک شدہ شخص کا اور ایک بھائی اس سے قبل فوج کے ساتھ جھڑپ میں ہلاک ہوا تھا اور اس وقت یہ واحد گھر کا کمانے والا تھا اس کے تین چھوٹے بچے ہیں اور اس وقت نانوائی اور باروچی کا کام کررہا تھا۔ پولیس نے بتایا کہ منظور احمد عاشق نانگرو کا بھائی ہے جو پاکستان میں جیش محمد کا کمانڈر ہے ایک اور بھائی سلاخوں کے پیچھے ہیں۔ پولیس کے مطابق لاش کو کچھ راہگیروں نے دیکھا جس کے بعد انہوں نے شوپیاں پولیس کو اطلاع دی۔
پولیس نے بتایا کہ اطلاع ملتے ہی پولیس کی ایک ٹیم موقع پر پہنچی اور لاش کو برآمد کرلیا۔ جسم پر گولیوں کے نشانات ہیں اور اس کی شناخت منظور احمد نانگرو کے طور پر کی گئی ہے ۔ مقامی لوگوں نے بتایا کہ انہیں گزشتہ شام معلوم ہوا کہ منظور احمد نینگرو کو نامعلوم بندوق برداروں نے اسکے گھر جو ہانجن راجپورہ پلوامہ میں واقع ہے سے اغوا کرکے اپنے ساتھ لے گئے۔ مقامی لوگوں نے مزید بتایا کہ آج قریب 11 بجے نارہ پورہ شوپیاں میں ایک باغیچے سے اس شخص کی لاش کو برآمد کیا گیا۔ لاش کے جسم پر گولیوں کے نشانات بھی تھے جبکہ پولیس نے جائے موقع پر پہنچ کر لاش کو اپنی تحویل میں لے لیکر ضلع اسپتال شوپیان لایا جہاں لاش کا پوسٹ مارٹم کیا گیا ۔
ایک پولیس افسر نے کہا کہ قانون کی متعلقہ دفعات کے تحت مقدمہ درج کیا جا رہا ہے اور ہم معاملے کی تحقیقات کر رہے ہیں۔