تیندوے کے خوف سے نجات

ریاست جموں و کشمیر کے جنوبی ضلع شوپیاں میں محکمہ جنگلات کے اہلکاروں نے تین تیندوے کو پکڑ نے میں کامیابی حاصل کی۔

ضلع کے چک مسجد رام نگری علاقے میں تیندوں نے نثار احمد ملک کے بھیڑوں کے باڑے میں گھس کر 30 بھیڑوں کو ہلاک کر دیاتھا۔

علاقے میں تیندوں کی موجودگی سے خوف و ہراس پھیل گیا تھا۔ لوگ گھروں سے باہر نکلنے میں ڈر محسوس کررہے تھے۔

محکمہ جنگلا ت کے اہلکاروں نے ان تینوں تیندوے کو علاقے سے پکڑ لیا اور لوگوں نے محکمہ کے اس کام کی سراہنا کی۔