شوپیان میں ڈپٹی کمشنر کی گاڑی پر پتھراؤ

نامعلوم افراد نے ڈپٹی کمشنر کی گاڑی پر پتھراؤ کیا جس کے نتیجے میں ڈپٹی کمشنر کی گاڑی کا شیشہ ٹوٹ گیا۔

جنوبی کشمیر کے شوپیان ضلع میں نامعلوم افراد نے ڈپٹی کمشنر کی گاڑی پر اس وقت پتھراؤ کیا جب وہ پولنگ اسٹیشن سے واپس آرہے تھے تاہم اس پتھراؤ میں کسی بی افراد کے زخمی ہونے کی کوئی اطلاع نہیں ملی۔

تفصیلات کے مطابق ڈپٹی کمشنر شوپیان کاپرن پولنگ اسٹیشن سے واپس آرہے تھے جوں ہی انکی بلٹ پروف گاڑی نارواو علاقے میں پہنچی تو یہاں پر کچھ نامعلوم افراد نے انکی گاڑی پر پتھراؤ کیا جسکے نتیجے میں ڈپٹی کمشنر کی گاڑی کا شیشہ ٹوٹ گیا۔

واضح رہے کہ ڈی ڈی سی اور پنچیاتی انتخابات کے چوتھے مرحلہ کے تحت جموں و کشمیر کے ساتھ ساتھ شوپیان ضلع میں بھی پولنگ اختتیام ہوئی۔