مغل روڈ سے برف ہٹانے کا کام جاری

محکمہ مغل روڈ کے ایک افسر نے بتایا کہ ہم نے ہیرپورہ سے لال غلام علاقے تک روڈ پر سے برف ہٹائی ہے اور ابھی قریب آٹھ کلومیٹر روڈ پر برف ہٹانے کا کام جاری ہے۔

وادی کشمیر کو خطہ جموں سے ملانے والا متبادل راستہ مغل روڈ سے برف ہٹانے کا کام شد و مد سے جاری ہے اور اسے ٹریفک کی آمد و رفت کے لیے جلد ہی کھول دیا جائے گا۔

تقریبا 84 کلومیٹر تاریخی مغل روڈ جو وادی کشمیر کو خطہ جموں کے راجوری و پونچھ اضلاع سےجوڑنے والا متبادل راستہ ہے کو اگلے چھ دنوں کے اندر ٹریفک کی آمد و رفت کے لئے کھول دیا جائیگا۔ اس روڈ کو گزشتہ سال کے نومبر مہینے میں شدید برف باری کے بعد ٹریفک کی آمد و رفت کے لئے بند کر دیا گیا تھا۔

محکمہ مغل روڈ کے ایک افسر نے بتایا کہ ہم نے ہیرپورہ سے لال غلام علاقے تک روڈ پر سے برف ہٹائی ہے اور ابھی قریب آٹھ کلومیٹر روڈ پر برف ہٹانے کا کام جاری ہے۔ انہوں نے بتایا کہ اگلے چھ روز میں اس روڈ پر برف ہٹانے کا کام مکمل ہوگا اور اس روڈ کو ٹریفک کی آمد و رفت کے لئے بحال کیا جائے گا۔