جنوبی کشمیر کے شوپیان ضلع کے ہیرپورہ علاقے سے گزرنے والے نالہ پر پل نہ ہونے کی وجہ سے نالہ کی دوسری طرف آباد گنائی محلہ کی کثیر آبادی کو دقتوں کا سامنا کرنا پڑ رہا ہے۔
شوپیاں: پل کی عدم دستیابی کے سبب سینکڑوں افراد مشکلات سے دوچار
لوگوں نے انتظامیہ کو تنقید کا نشانہ بناتے ہوئے علاقے کو تعمیر وترقی کے لحاظ سے جان بوجھ کر نظر انداز کرنے کا الزام عائد کیا ہے۔
ہیرپورہ علاقے میں پل کی عدم دستیابی کے سبب سینکڑوں افراد کو مشکلات سے دوچار ہونا پڑ رہا ہے۔ گر چہ مقامی باشندوں نے نالہ پر لکڑی کا ایک عارضی پل تعمیر کیا ہے تاہم وہ کافی کافی خستہ ہو چکا ہے۔
لوگوں کے مطابق نالہ میں پانی کے تیز بہائو کے دوران گنائی محلہ کی کثیر آبادی ضلع صدر مقام سے منقطع ہو جاتی ہے۔