شوپیاں: نجی گاڑی کی چوری کے بعد ہائی الرٹ

جنوبی کشمیر کے شوپیاں ضلع میں ایک نجی گاڑی کی چوری کے بعد حفاظتی اہلکاروں کو الرٹ کر دیا گیا ہے۔

جنوبی کشمیر کے شوپیاں ضلع میں نامعلوم افراد نے دوران شب ایک نجی گاڑی کو چرالیا، جس کے بعد فورسز اہلکاروں کو الرٹ کیا گیا ہے۔

ذرائع کے مطابق چوری ہونے والی ٹاٹا سومو گاڑی عاشق راتھر کے نام زیررجسٹریشن نمبر JK22 9293 درج ہے۔ یہ واقعہ ضلع کے امام صاحب علاقے میں منگل اور بدھ کی درمیانی شب پیش آیا۔

گاڑی چوری ہونے کی اطلاع کے فوراً بعد فورسز کو الرٹ کیا گیا ہے۔

واضح رہے کہ کشمیر میں عسکری کارروائیوں کو انجام دینے میں کئی مرتبہ عسکریت پسند اس طرح کی گاڑیوں کا استعمال کرتے ہیں۔