شوپیاں انکاؤنٹر ختم، ایک عسکریت پسند ہلاک

جنوبی کشمیر کے شوپیاں علاقے میں انکاؤنٹر میں ایک عسکریت پسند ہلاک ہوا ہے، جو ساکنہ کاشو چتراگام کے رہنے والا تھا۔

جنوبی کشمیر کے شوپیان ضلع میں فورسز اہلکاروں اور عسکریت پسندوں کے مابین انکاؤنٹر میں ایک عسکریت پسند ہلاک ہوا ہے، جس کی شناخت عنایت اشرف ڈار کے طور پر ہوئی ہے۔

فورسز اہلکاروں نے مشترکہ طور پر ضلع شوپیان کے کاشو چتراگام علاقے کو محاصرے میں لے کر تلاشی آپریشن شروع کیا، جس میں ایک مکان میں چھپے عسکریت پسند نے فائرنگ کی جس کے بعد انکاؤنٹر شروع ہوا۔

انکاؤنٹر میں ایک مقامی عسکریت پسند ہلاک ہوا ہے۔ جس کی شناخت عنایت اشرف ڈار ولد محمد اشرف ڈار ساکنہ کاشو چتراگام کے طور پر ہوئی ہے۔