محکمہ موٹر وہیکلز شوپیان کی جانب سے روڈ سیفٹی ماہ کی اختتامی تقریب کے موقع پر ضلع شوپیان میں ٹریفک قوانین سے متعلق سے بیداری پروگرام کا انعقاد کیا گیا۔ پروگرام میں ڈپٹی کمشنر شوپیان سچن کمار، اسسٹنٹ ریجنل ٹرانسپورٹ افسر شوپیان معزم علی دیگر افسران کے علاوہ، سوموں ایسوسی ایشن شوپیان، ٹرانسپورٹ ایسوسی ایشن شوپیان کے علاوہ سومو ڈرائیورس اور علاقے کی سرکردہ شخصیات و اسکولی طلباء نے شرکت کی۔
ایک مہینہ تک جاری رہنے والے اس روڈ سیفٹی مہینہ کے دوران محکمہ نے مختلف تعلیمی مراکز، سوموں اسٹینڈ، منی اسکریڑیٹ اور بازاروں میں ڈرائیورز حضرات کو سڑک حادثات سے بچنے کے لیے ٹریفک قوانین پر سختی سے عمل کرنے کی اپیل کی گئی۔ اس دوران گاڑی چلاتے وقت سیٹ بیلٹ کے استعمال اور موبائل فون کے استعمال نہ کرنے پر زور بھی دیا گیا۔
اختتامی تقریب کے دوران روڈ سیفٹی ماہ کے دوران بہترین کارکردگی کا مظاہرہ کرنے والے طلباء، ملازمین اور دیگر افراد کو انعامات سے نوازا گیا۔ وہیں، ای ٹی وی بھارت کو روڈ سیفٹی ماہ کے سبھی پروگرامز نشر کرنے پر اعزاز سے سرفراز کیا گیا۔
