شوپیان: سڑک حادثے میں تین افراد زخمی

جنوبی کشمیر کے شوپیان ضلع میں ایک ٹیمپو گاڑی حادثے کا شکار ہوگئی جس کی وجہ سے گاڑی میں سوار تین افراد زخمی ہوگئے۔

راجوری سے شوپیان آرہی ایک ٹیمپو گاڑی زیر رجسٹریشن نمبر JK0IN 3937 ہیرپورہ علاقے میں حادثہ کا شکار ہو گئی۔

مقامی لوگوں کے مطابق ٹیمپو گاڑی الٹ گئی اور اس میں سوار تین افراد زخمی ہو گئے۔

زخمیوں کو فوری طور پر علاج و معالجے کے لیے ضلع اسپتال شوپیان پہنچایا گیا جہاں ان کی طبی امداد کے بعد انہیں اسپتال سے رخصت کردیا گیا۔