ڈی ڈی سی انتخابات کے لیے اسٹاف روانہ، انٹنیٹ خدمات معطل

پولنگ کے مدے نظز جنوبی کشمیر کے سبھی اضلاع جن میں شوپیان، پلوامہ، کولگام اور اننت ناگ شامل ہیں میں موبائل انٹرنیٹ خدمات کو معطل کر دیا گیا ہے۔

مرکز کے زیر انتظامہ علاقے جموں و کشمیر میں پہلی مرتبہ ہو رہے ڈی ڈی و پنچیاتی انتخابات کے پانچویں مرحلہ کے تحت ہونے والے انتخابات کے سلسلے میں پولنگ اسٹیشنز کے لیے پولنگ اسٹاف اور پولنگ مٹیریل کو روانہ کر دیا گیا ہے۔

ادھر جنوبی کشمیر کے شوپیان ضلع میں بھی کل دو بلاکوں حرمین 1 اور حرمین 2 میں پولنگ ہوگی۔ حرمین میں دو ڈی ڈی سی سیٹوں پر کل صبح 7 بجے سے دوپہر 2 بجے تک پولنگ ہوگی۔ حرمین کے دو بلاکوں میں 6 جگہوں پر 46 پولنگ مراکز بنائے گئے جہاں پر حرمین 1 میں 6 جبکہ حرمین 2 میں 5 ڈی ڈی سی امیدوار میدان میں ہیں۔

پولنگ کے حوالہ سے ضلع شوپیان میں سکورٹی کے سخت انتظامات کیے گئے ہیں۔

جموں و کشمیر میں جاری ڈی ڈی سی انتخابات کے پانچویں مرحلے کی ووٹنگ آئندہ کل ہوگی۔ جنوبی کشمیر کے چاروں اضلاع میں سکیورٹی خدشات کے پیش نظر سُست رفتار انٹرنیٹ خدمات کو معطل کر دیا گیا ہے۔

جنوبی کشمیر کے سبھی اضلاع جن میں شوپیان، پلوامہ، کولگام اور اننت ناگ شامل ہیں میں موبائل انٹرنیٹ خدمات کو معطل کر دیا گیا ہے۔ انٹرنیٹ پر پابندی سے لوگوں خاص طور پر طلبا، تجار اور صحافیوں کو مشکلات سے دو چار ہونا پڑ رہا ہے۔