ُPanches and Sarpanches Protest: ’ہم آئندہ انتخابات میں حصہ نہیں لیں گے‘

جنوبی کشمیر کے ضلع شوپیاں سے آئے پنچوں، سرپنچوں نے سرینگر کی پریس کالونی میں بلاک ڈیولپمنٹ افسر (BDO Shopian) کے خلاف احتجاج کیا۔

بلاک ڈیولپمنٹ افسر شوپیاں (BDO Shopian) کے خلاف احتجاج کرتے ہوئے جنوبی کشمیر کے ضلع شوپیاں سے آئے پنچوں سرپنچوں نے سرینگر کی پریس کالونی میں احتجاج کیا۔

احتجاج کر رہے پنچوں اور سرپنچوں نے بی ڈی او شوپیاں (BDO Shopian) پر پنچوں کی تذلیل اور انہیں ہراساں کرنے کا الزام عائد کیا۔

انہوں نے الزام عائد کرتے ہوئے کہا: ’’دفاتر میں افسر شاہی کا دور ہے، عوامی فلاح و بہبود کے کام انجام نہیں دئے جا رہے۔‘‘

احتجاج کر رہے پنچوں اور سرپنچوں نے مزید کہا کہ ’’اگر اسی طرح ہماری تذلیل ہوتی رہی تو ہم عوام کے پاس ووٹ مانگنے دوبارہ نہیں جا پائیں گے۔‘‘ انہوں نے دعویٰ کیا کہ وہ آئندہ کسی بھی الیکشن میں حصہ نہیں لیں گے۔

احتجاجیوں نے اس ضمن میں اعلیٰ حکام سے مداخلت کی اپیل کی۔